(Cinquegrana e De Gregòrio)
CANTA ORIGINAL: DIVERSOS CANTORES
Rusinella, mo tene vint'anne…
e smanèa e suspira a tutt'ore…
Ll'hanno ditto ch'è pàlpito 'e core…
nu remmèdio opportuno nce vò'…
– Nèh, cumpà', che nce vurrìa
pè sti smanie ca tengh'ì?
Io nun pòzzo cchiù durmì!
Io nun pòzzo cchiù durmì!…
Nèh, cumpà'…che nce vò'? –
– Nce vurrìa, per farve durmì…
tiritùppete e lariulì…
chella cura che fece mammà…
tiritàppete e lariulà!…-
– Nèh, cumpà', ma 'sta cura mme giova? –
– Che dicite!…Ve 'ngrassa e rinforza…
Cummarè', vuje ll'avit''a fà a forza
ca si no…piglia sotto 'o rraù… –
– E spiegateme cchiù meglio
chesta cura che vò' dì…
Ì nun voglio cchiù suffrì…
Ì nun voglio cchiù suffrì…
Nèh, cumpà', che nce vò'?… –
– Nce vurrìa, pè farve durmì…
tiritìppete e lariulì…
chella cura che fece mammà…
tiritàppete e lariulà!… –
– Nèh, cumpà', fosse amara 'sta cura? –
– Anze è doce…cchiù doce d''o mmèle –
– E va buò' mo nce 'o ddico a Papèle… –
– Ma 'o segreto 'o tengh'io cummarè'! –
– E perciò, parlate chiaro…
ch'aggì'a fà, ch'aggì'a piglià,
che nce vò' pè mme calmà?
Nèh, cumpà'…che nce vò'?…
Nèh, cumpà'…che nce vò'?… –
– Nce vurrìa, pè farve durmì…
tiritùppete e lariulì…
chella cura che fece mammà…
tiritàppete e lariulà!… –