(Letico e Ciaravolo)
CANTA ORIGINAL: DIVERSOS CANTORES
Tu nun haje colpa, 'a colpa è tutt''a mia…
Ma comme fuje ca 'e te mme 'nnammuraje?!
Nun ce sta ammore senza gelusia…
però 'sta gelusia fa male assaje…
Ma comme fuje ca 'e te mme 'nnammuraje!?
Damme nu poco 'adduòbbeco 'int''o vino,
ca nun mme fa scetà fino a dimane…
E, mentre stò' durmenno a suonno chino,
mme sonno 'e te vasà sti bbelli mmane…
Tanno vurrìa cadè buono malato,
quanno sapesse ca t'aggio perduta…
Ma nun vurrìa sapè ca mm'hê 'ngannato:
ca 'nziem'a n'ato te ne sì partuta…
E pè nun turnà cchiù, te ne sì ghiuta!…
Damme nu poco 'adduòbbeco 'int''o vino,
si n'ato ammore dint''o core tiene…
E, mentre stò' durmenno a suonno chino,
'nzuonno mme sonno ca mme vuò' cchiù bene!…
Ma comme fuje ca 'e te mme 'nnammuraje?
Damme nu poco 'adduòbbeco 'int''o vino,
si n'ato ammore dint''o core tiene…
E, mentre stò' durmenno a suonno chino,
'nzuonno mme sonno ca mme vuò' cchiù bene!…