(P. Vento e E. A. Mario)
CANTA ORIGINAL: DIVERSOS CANTORES
Mm'ammanettate ccà? Che mme ne 'mporta?
Chist'è 'o duvere vuosto: ccà stongh'ì…
Nun mme ne pento…Ll'aggìaccisa…è morta?
Chesta commedia êv''a fernì accussì…
Fa chiagnere vedennola ccà 'nterra,
accussì bella e tanto malamente…
Nèh, dint'a niente mme disprezza, va a spusà…
se scorda e me…
e ì ch'ero, mariscià'?
Na cosa 'e niente?!
Ce 'o vvoglio rinfaccià mo ch'è fernuto:
stu tradimento nun ll'avev''a fà…
Io carcerato…essa 'int''o tavuto,
mamma ca chiagne e nun mme pò salvà!
"Ma pièntete na vota – lle dicevo –
pecchè mm''o ffaje, pecchè mme miette 'ncroce?
'Sta vocca doce no, nun vasa sulo a me,
'nfama ca sì"
Che 'nfama brigadiè',
mm'ha miso 'ncroce!
Cu 'a veste 'e sposa è ghiuta dint''a cchiesa
e,'nnanze a Dio, a n'ato ha ditto: Sì
È stato pè leggittima difesa
ca ll'aggìaccisa…o essa, o murev'ì!
Tu, giudice,
mm'accuse e mme cundanne…
ma tu, accussì, nun rappresiente 'a legge!
Gente cchiù peggia ll'hê mannata a libertà…
pènzace tu!…
Tu â casa mm'hê 'a mannà
si 'a legge è legge!