A

A Ricetta È Napule

(Parente e Frustaci)
CANTA ORIGINAL: DIVERSOS CANTORES

 

 

Nu viecchio milionario americano,
teneva nun se sa che malatia…
era nefrite, tisi o pecundrìa?…
'a scienza nun sapeva andivinà!…

 

Però un amico intimo
dicette: "Pè guarì 'a 'sta malatia,
portiamolo in Germania:
ce stanno prufessure 'e chirurgia…"

 

E 'o juorno appriesso, 'ncopp'a nu vapore,
passaje ll'oceano 'o povero signore…

 

'E meglie scienziate berlinese
'o visitajeno senza capì niente…
però, sapenno ca ce steva "'argiento",
dicettero: "Tentiamo d'operà…"

 

Senza nisciunu scrupolo
'tagliajeno 'o cuorpo 'e chillu vicchiariello…
e, quanno fuje a ll'ùrdemo,
campava e nun campava 'o puveriello…

 

E quase quase, tanto d''o dulore,
steva saglienno 'ncielo add''o Signore…

 

Ma Napule, vedenno stu vapore
ca se purtava 'o viecchio quase muorto…
dicette: "Favorite dint''o Puorto,
tengo na cosa ca lle pò giuvà…"

 

Pigliaje nu poco 'e Vommero
cu vinticinche gramme 'e Margellina,
nu pìzzeco 'e Pusilleco
e 'o preparaje na bella mmedecina.
E 'o viecchio, nun appena s''a pigliaje,
dint'a nu quarto d'ora se sanaje…

 

Chest'è 'a ricetta 'e Napule:
nu poco 'e sole vì che te cumbina…
pure chi è muorto 'e sùbbeto
venenno ccà, risuscita e cammina…

 

Nun ce vò' menta cedra e fronn''aruta
pè stà sempe benissimo in salute!….

Mostrar mais

Artigos relacionados

Fechar

Adblock detectado

Por favor, considere apoiar-nos, desativando o seu bloqueador de anúncios