(Bovio e Valente)
CANTA ORIGINAL: DIVERSOS CANTORES
'A mamma ha ditto: "Oje nì, saje che te dico?
È strappatella e nun capisce ancora…
te tratta, ch'aggì'a dì, comm'a n'amico…
meglio 'e n'amico: comm'a frate e sora…
È piccerella,
è n'anema 'nnucente
e nun capisce niente…"
È piccerella e intanto,
saccio sul'io chello ca dice 'a gente…
Ma 'a mamma dice ch'è na piccerella…
e ì dico appriess'â mamma: "È piccerella!"
"E ll'hê purtato 'a veste?.." "E sissignore!
– Na veste 'e seta.- E chiste sò' 'e scarpine…
Chist'è 'o cappiello – ch'è venuto 'a fore,
rrobba 'e Parigge, – e chiste sò' 'e ricchine…"
E 'a mmamma dice:
"Mo pare cchiù bella,
povera piccerella…"
È piccerella e intanto,
saccio sul'io chello ca dice 'a gente…
Ma 'a mamma dice ch'è na piccerella…
e ì dico appriess'â mamma: "È piccerella!"
Ma che ato vò'…nun è cuntenta ancora?
Che mm'aggì'a levà cchiù?!…Scuorno a 'sta faccia!
Marcia alla moda, spènne, fa 'a signora…
e a mamma mia, nemmeno na petaccia!
E ì zitto, caccio sempe…
E tanno è bello,
quanno caccio 'o curtiello!
È piccerella e intanto,
saccio sul'io chello ca dice 'a gente…
Ma 'a mamma dice ancora: "È piccerella!"
E ì dico appriesso â mamma: "È piccerella!"
