(Scala e Buongiovanni)
CANTA ORIGINAL: DIVERSOS CANTORES
"Santanotte"..! Nu saluto a 'sta fenesta
addò' 'a luna, cu na festa,
tutt''argiento ha spaso già!
Quaccheduna sta scetata
o s''a passa a sbarià,
pecchè 'o suonno ll'ha lassata,
tale e quale comm'a me!
Vì che triato
ch'è 'a vita nosta:
Dò' 'a "Santanotte"
a chi mm'ha 'ntussecato…
Scinne, oje bella, ca stò' senza cumpagnia:
mm'ha levato, mamma mia,
'o curtiello 'a cuollo a me!
Ccà mme porta 'o bbene antico…
– Sta cu n'ato? E ch'aggì'a fà?
Sò' turnato 'int'a stu vico
pè murì si aggì'a murì! –
Torna cu mico,
te voglio bene…
Pò, 'a "Santanotte",
'a dammo a chist'amico…
Tu sì scesa…Finalmente! Mme sentive?
E dimmello: cu chi stive?
Dimme 'o nomme, primma 'e mo…
Ma tu cade? Staje gelata…
Parla…Ah!…È sango 'mpiett'a te…
Mme ll'ha accisa 'o scellarato:
Morta io 'a stregno 'mbraccìa me!
Poveru core…
t'hanno spezzato…
'sta "Santanotte"
mo ll'ha da avè chi more!
Ma primma 'e juorno, 'o 'nfamo ha da murì!…
