(Bovio e Spagnuolo)
CANTA ORIGINAL: DIVERSOS CANTORES
– Oje luna meza triste e meza allèra,
tu nun sì rrobba 'e ccà, sì rrobba 'e fore…
Te canuscette e fuje na primmavera,
tant'anne fa…quanno, p''a via d''o mare,
giuvinuttiello, mme purtaje ll'ammore…
No, tu nun sì 'e ll'America…
no, tu sì 'a luna 'e Napule…
Mè', pàrlame 'e Pusilleco,
'o cielo mioche fa? –
Ma 'a luna, 'a luna 'e Napule,
s'ha cummigliato ll'uocchie cu na nuvola,
senza putè parlà!…
Ca si luntano mme purtaje ll'ammore,
'nzuonno, mme sonno, tutt''e nnotte, 'o mare…
Mare che canta meglio 'e nu tenòre
e canta sempe, da 'a matina â sera,
Mare che è cchiù turchino 'e tutt''e mare…
No, tu nun sì 'e ll'America…
E dimme, oje luna: – È vierno o è primmavera? –
dimme: – A 'o paese mio se canta ancora?
Lùceno sempe 'e lume p''a Riviera? –
– No, ninno mio, ma 'a notte, dint''o scuro,
quacche chitarra va sunanno ancora… –
No, tu nun sì 'e ll'America…
