(Mangione e Valente)
CANTA ORIGINAL: DIVERSOS CANTORES
Vaco truvanno na casciaforte!
E andivinate pè ne fà che?
Non tengo titoli,
non vivo 'e rendita,
non ci ho un vestito pè cuollo a me!…
Ma 'a cascia mi necessita…
Pè forza ll'aggì'a tenè!
Ce aggì'a mettere tutt''e llettere
che mi ha scritto Rosina mia…
nu ritratto (formato visita)
d''a bonanema 'e zì Sufia…
nu cierro 'e capille,
nu cuorno 'e curallo…
ed il becco del pappagallo
che noi perdemmo nel ventitrè…
Pe-re-pe-re-pe-re-ppe-rè….
Sono ricordi che in cassaforte,
sulo llà dinto t''e ppuò' astipà…
Quando mi privano
del companatico,
io 'ngòtto e zitto senza sferrà…
Lo so! La vita è tragica,
ma 'a cascia…mme ll'hann''a dà!
Ce aggì'a mettere tutt''e llettere
che mi ha scritto Rosina mia…
Il mozzone di una steàrica
(conficcato nella bugia),
na bambola 'e Miccio,
na lente in astuccio…
e una coda di cavalluccio
che mi ricorda la meglio età!
Pa-ra-pa-ra-pa-ra-ppa-rà….
Vaco truvanno na casciaforte!
Ma a quà casciere ce 'o vvaco a dì?…
Certe reliquie,
cierti cimeli,
si 'e ttiene 'a fore, pònno sparì!…
San Casimiro martire…
'sta cascia, famm''a venì!
Ce aggì'a mettere tutt''e llettere
che mm'ha scritto Rosina mia,
na cartella (di lire dodici)
rilasciata dall'agenzìa…
Na màneca 'e sicchio,
na cràstula 'e specchio,
na corteccia di cacio vecchio
e un fracchesciasso color cakì!
Pi-ri-pi-ri-pi-ri-ppi-rì….
