(Jovino e Festa)
CANTA ORIGINAL: DIVERSOS CANTORES
Songo antico e ch'aggì'a fa?
Ch'aggì'a fà bell''e papà?!
Io appartengo a ll'ottuciento
e mo vaco contro 'o viento
ma però, ma però…
Chello ca facite mo,
nun mme piace…è 'a verità…
Preferisco 'ammore antico
ca faceva spantecà…
Vocca e vocca,
core e core…
cu nu vaso e cu nu sciore…
cu nu suono 'e chitarrella,
suspirava na nennèlla…
Mo tu chiamme 'a 'nnammurata
cu nu sisco, 'int''a nuttata…
Mo, ll'ammore, chi t''o ddà?
'A bonanema 'e ll'ammore
nun c'è cchiù, bell''e papà…
Tiempe antiche…
Tutto passa!
Mo se joca a piglia e lassa…
Si mammà, dint'a na recchia,
mme suspira: "Guarda, guà'!…"
Io lle dico: "Tu sì vecchia…
statte zitta e nun guardà!…"
Nun va cchiù 'nziem'a mammà,
'a figliola a passiggià…
Fa ll'ammore "esistenziale",
pò te scrive 'o "memoriale"…
dice: "Sì"…dice: "Ma"…
maje nun dice 'a verità…
Figliu mio, bell''e papà,
chelli ffemmene 'e na vota
si putesseno turnà…
Vocca e vocca,
core e core…
'A bonanema 'e ll'ammore
nun c'è cchiù, bell''e papà…
Tiempe antiche…
Tutto passa!
Mo si joca a piglia e lassa…
Chesto d'ogge nun è ammore…
Mo ll'ammore chi t''o ddà?
'Mpignatillo chistu core:
che n'hê 'a fà bell''e papà?!