(De Luca e Buongiovanni)
CANTA ORIGINAL: DIVERSOS CANTORES
Mm'è arrivata, stammatina,
na cartulina:
È na veduta 'e Napule
che mm'ha mannato màmmema…
Se vede tutt''o Vommero,
se vede Margellina,
nu poco 'e cielo 'e Napule…
'ncopp'a 'sta cartulina!
Napule,
aggio scritto pè te chesta canzone…
e, p''o ricordo 'e màmmema,
aggio chiagnuto lacreme 'e passione!
E se vede pure 'o mare
cu Marechiaro:
Mme parla cchiù 'e na lettera
'sta cartulina 'e Napule!
Che gioja, stu Pusilleco,
'sta villa quant'è fina…
Comm'è bello 'o Vesuvio…
che bella cartulina!
"Comme tu può' stà felice
– mamma mme dice –
luntano tanto 'a Napule,
luntano tanto 'a màmmeta?"
E soffro mille spàseme,
'ncore tengo na spina
quanno cunfronto 'America
cu chesta cartulina!…
