(Mario Costa)
CANTA ORIGINAL: DIVERSOS CANTORES
Songo frangesa e vengo da Parigge:
Io sò' na chiappa 'e 'mpesa,
ve ll'aggì'a dì!
Pè cummincià, sapite…
no, nun ve vrucculiate,
io 'o tengo 'o 'nnammurato…
cu me nun c'è che fà!
Oh!..Oh!..Oh!..Oh!..Oh!..Oh!..Oh!..
Ma vuje mo che vulite?
Ve prego 'e nun gridà!
Oh!..Oh!..Oh!..Oh!..Oh!..Oh!..Oh!..
Si vuje nun 'a fenite,
'un pòzzo cchiù cantà!
Io sòngo bona ma sò' 'ntussecòsa…
vurrìa sapè na cosa, ma 'a verità:
Certo mme cuffiate,
veco ca mo redite,
Pecchè mme lu ffacite?
Guè jammo a franco 'o ssà'?!
Oh!..Oh!..Oh!..Oh!..Oh!..Oh!..Oh!..
Ma vuje pecchè redite?
Ve piace 'e ve spassà!?
Oh!..Oh!..Oh!..Oh!..Oh!..Oh!..Oh!..
Si vuje nun 'a fenite,
'un pòzzo cchiù cantà!
Aggio viaggiato
e saccio tutto 'o munno,
ma stu cielo affatato,
sta sulo ccà!…
'A gente ride e canta
e ghiètta a mare 'e guaje…
Napule è bella assaje:
Ì ccà voglio restà…
Ah!..Ah!..Ah!..Ah!..Ah!..Ah!..Ah!..
Spassàmmoce e redimmo,
si lu pputimmo fà…
Ah!..Ah!..Ah!..Ah!..Ah!..Ah!..Ah!..
Nuje mo nce cunuscimmo
e ghiammo a franco 'o ssà'!…
BOTTO & C. S.A.S. INTERMEDIARI ASSICURATIVI E FINANZIARI DI FABIO BOTTO E STEFANO BOTTO
32/4, Corso Garibaldi Giuseppe – 16043 Chiavari (GE)
