A

A ‘Nfrascata

(Pisano e Lama)
CANTA ORIGINAL: DIVERSOS CANTORES

 

 

'Mmiez'ê ffronne,
'mmiez'ê ffronne d''a 'Nfrascata,
ce sta na casarella prufumata;
chien''e sciure, chien''e rose avvellutate
addò' se ferma 'o sole p''a guardà…
Addò' se ferma 'o sole p''a guardà…

 

E na figliola cu duje uocchie nire,
s'affaccia, tutt''e ssere, a vintun'ore…
E 'o core mio se fa na cammenata,
tutt''e ssere,
'mmiez'ê ffronne
d''a 'Nfrascata…

 

Raggio 'e luna,
raggio 'e luna 'nnargentato,
tu comme sì felice e affurtunato:
Quanno, 'a sera, 'sta fenesta s'è appannata,
te miette 'e faccefronte p''a guardà…
Te miette 'e faccefronte p''a guardà…

 

E quanno 'sta figliola s'addurmenta,
tu trase a ll'intrasatto, e 'a vase 'nfronte…
E pò te firme ccà, tutt''a nuttata,
pazzianno
'mmiez'ê ffronne d''a 'Nfrascata!

 

Ll'aggio ditto,
ll'aggio ditto a 'sta figliola:
"Chi è bella comm'a vuje nun pò stà sola:
'Sta vucchella tène 'addore d''e vviole
e io desse tutt''a vita p''a vasà…
E io desse tutt''a vita p''a vasà!…"

 

E tengo pronto già nu lietto 'e sposa,
cu duje cuscine, fatte 'e fronne 'e rose…
Ce manca na cuperta arricamata…
e 'a facimmo
cu sti ffronne d''a 'nfrascata!

Mostrar mais

Artigos relacionados

Fechar

Adblock detectado

Por favor, considere apoiar-nos, desativando o seu bloqueador de anúncios