A

A Primma ‘Nnammurata

(Murolo e Fonzo)
CANTA ORIGINAL: DIVERSOS CANTORES

 

 

Ajere, pè Tuleto, mme 'ncuntraje
cu 'a primma e sola 'nnammurata mia:
ll'uocchie pittate…addò' passaje lassaje
tutt''e prufume 'e na prufumeria…
E a vint'anne turnaje cu stu penziero…
chilli vint'anne ca nun tengo cchiù!

 

Ll'ammore è na ferita
ca 'o tiempo pò sanà,
ma te rummane 'o segno tutt''a vita
pè t''a fà ricurdà!

 

E mme sò' ricurdato na fenesta…
Maria 'mmiez'ê glicìnie rampicante…
doje fronne 'aruta 'mpietto, 'o juorno 'e festa,
e na vesta cu 'e mmane soje cusute,
duje curallucce â recchia pè brillante…
nu poco 'e cipria 'nfaccia…e niente cchiù!

 

Ll'ammore è na ferita

 

E doppo n'esistenza 'ntussecata
– che 'a vita nosta nu rumanzo fuje –
essa pigliaje na strada io n'ata strada
ma cu na spina ô core tutt'e duje!…
E 'a tant'anne, d''e llacreme chiagnute,
n'è rummasa una…e nun s'asciutta cchiù…

 

Ll'ammore è na ferita

Mostrar mais

Artigos relacionados

Fechar

Adblock detectado

Por favor, considere apoiar-nos, desativando o seu bloqueador de anúncios