(E. Murolo e E. Tagliaferri)
CANTA ORIGINAL: DIVERSOS CANTORES
Na bella luggetella a Marechiaro,
cu 'a tènna e 'a luce elettrica p''a sera;
Teresenella cu 'e bbraccelle 'a fore,
s'abbraccia nu palummo e guarda a mare…
e, a ll'aria fresca 'e nu tramonto d'oro,
na voce 'nterr'â rena ca suspira:
"Glu-glu-glu…
comm''o palummo ì sò'
e 'a notte, 'mbraccìa me,
na turturella sì…"
Canta! Canta!
Canta chi vò' cantà…
Chest'è 'a canzone d''a felicità.
Nu juorno, nu vicchiotto cu 'e denare,
cercaje a Teresenella pè mugliera…
Dicette 'a mamma d'essa: "Quant'onore…"
E 'o pate, 'a copp''a mano: "Che piacere!…"
Ma, 'e notte, se sentette dint''o scuro,
cchiù doce, 'a stessa voce, 'mmiez'ô mare:
"Glu-glu-glu…
comm''o palummo ì sò'
e tu, abbracciata a me,
na turturella sì…"
Canta! Canta!
Canta chi vò' cantà…
Chest'è 'a canzone d''a felicità.
'A sera d''a parola…Ammore! Ammore!
'a sposa scumparette…e bonasera!
Sudava friddo 'o viecchio e, p''a tintura,
s'era 'nguacchiata 'a faccia nera nera!…
E pè Surriento, sott''a luna chiara,
felice, suspiravano duje core:
"Glu-glu-glu…