(Di Gianni e Lama)
CANTA ORIGINAL: DIVERSOS CANTORES
Si mamma toja t'ha ditto,
si mamma toja t'ha ditto,
ca sulo per iscritto
nuje putimmo amoreggià…
Dincello che a chest'epoca,
cu ll'aeroplano e 'a radio,
'o munno è allèro e facile:
Vulanno può' spusà…
vulanno può' spusà!
Strignìmmoce, vasàmmoce,
ch''a giuventù va 'e pressa…
Scetàmmoce, spassàmmoce,
ch''a giuventù ce lassa…
Nu vaso p''e Camaldule,
n'abbraccio â part''o Vommero…
Ma 'a sera, pè Pusilleco,
t'adduorme 'mbraccìa me!
Mo sò' schiuppate 'e rrose,
mo sò' schiuppate 'e rrose,
e ì penzo a tanta cose
prufumate comm'a che…
Fernìmmola cu 'e llettere,
sò' 'e vase ca ce aspettano…
mo sti ciardine 'e Napule,
se 'nfiorano pè te…
se 'nfiorano pè te!
Strignìmmoce, vasàmmoce,
ch''a giuventù va 'e pressa…
Tu hê 'ntiso che sfurtuna!?
Tu hê 'ntiso che sfurtuna!?
Mo parlano d''a luna
ca, da 'o cielo, ha da cadè…
Pè te stu fatto è serio…
nun ce perdimmo 'nchiacchiere!
Si cade 'a luna 'e Napule,
chi luce 'nfronte a te?
Chi luce 'nfronte a te?
Strignìmmoce, vasàmmoce,
che 'a giuventù va 'e pressa…