(Pisano e Cioffi)
CANTA ORIGINAL: DIVERSOS CANTORES
'A che facimmo 'ammore tutt'e duje,
nun aggio avuto nu ritratto tujo…
Dice ca nun 'o tiene pe' mm''o dá,
ma i' tengo 'o mezzo pronto pe' t''o fá:
Mm'ho comprato una Kodak,
ca 'un appena 'a tocco: Tac!
gira 'a molla, fa nu scatto,
e te caccia nu ritratto…
T''a vuó' fá fá na foto?
T''a vuó' fá fá na foto?
Jammo, fattélla fá, bellezza mia…
Io metto a fuoco e…tá!
tu si' venuta giá…
Fatte fá 'a fò'…
fatte fá 'a fò'…
fatte fotografá!
Nuje ce vedimmo quase ogne mumento,
ma chistu fatto nun mme fa cuntento.
'A notte, comme faccio a te vedé,
si nu ritratto nun 'o pòzzo avé?
E perciò cu 'sta Kodak,
metto 'o dito e faccio…Tac!
Chella vène llá pe' llá
e mm''a vaco a sviluppá…
T''a vuó' fá fá na foto?…
'A primma ca te faje ce pruove gusto:
Di faccia, di profilo…a mezzo busto…
E va a ferní ca po' mme dice a me:
"Una non basta: me ne faccio tre!"
E io stó' pronto cu 'a Kodak,
sempe pronto: Tac, tac!…
Chillo 'o rollo è luongo 'o ssá'…
Dimme: quante ne vuó' fá?
T''a vuó' fá fá na foto?…
