A

A Canzone D’E Canzone

(Bovio e Valente)
CANTA ORIGINAL: DIVERSOS CANTORES

 

 

'A canzone d''e ccanzone,
saglie a ll'alba da 'e ciardine…
fa arapì cchiù 'e nu balcone,
fa cantà tutt''e mmarine…

 

Va p''o monte e torna a mare
quanno, lenta, scenne 'a sera…
quanno Napule mme pare
na canzone 'e Primmavera…

 

Tutto canta…
Tutto chiagne e tutto canta
da 'a matina,
da 'a matina 'nfin'â sera…
Che paese,
che paese cantatore!

 

Ma 'a canzone d''e ccanzone,
ch'hann''a fà?…È Napulitana!

 

A canzone d''e ccanzone,
è cchiù doce 'e nu suspiro…
sta 'int''e vvoce d''a stagione,
sta 'int'a ll'aria ca respiro…

 

E chi canta? E và andivina…
Canta 'o sole, e ll'accumpagna
tutt''azzurro d''a marina,
tutt''o vverde d''a campagna.

 

'A canzone d''e ccanzone
sta 'int'a ll'uocchie 'e nènna mia
ca mme guarda e, senza suone,
mette 'a mùseca e 'armunìa…

 

E cu ll'uocchie canta e dice:
"Niente tengo – e niente tène –
tengo sulo, e sò' felice,
ninno mio ca mme vò' bene"!

Mostrar mais

Artigos relacionados

Fechar

Adblock detectado

Por favor, considere apoiar-nos, desativando o seu bloqueador de anúncios