(Viviani)
CANTA ORIGINAL: DIVERSOS CANTORES
Chesta è 'a rumba d''e scugnizze
ca s'abballa a tutte pizze…
Truove 'e ddame, 'mpizze 'mpizze,
ca te fanno duje carizze
pè te fà passà 'e verrizze…
Strette 'e mane, vase e frizze…
Pruove gusto e te ce avvizze,
cchiù te sfrine e cchiù t'appizze…
Comm'a tanta pire nizze,
te ne scinne a sghizze a sghizze,
fino a quanno nun scapizze…
Chest'è 'a rumba d''e scugnizze!
'O rilorgio, mo capisco,
pecchè 'o cerco e nun 'o trovo…
steva appiso…È ghiuto ô ffrisco:
c'è rimasto sulo 'o chiuovo…
'O chiuovo ì tengo!
Cic – cic – cic – cì…
Bell''e 'ammere!
Cic – cic – cic – cì…
Scarole ricce p''a 'nzalata!
Cic – cic – cic – cì…
Fenòcchie!
Cic – cic – cic – cì….
'O spassatiempo!
Cic – cic – cic – cì…
Mo t''e ccoglio e mo t''e vvengo!
Cic – cic – ci – cì…
Guè, ll'aglie!
Cic – cic –cic – cì…
Chesta è 'a rumba d''e scugnizze…
Assettàteve, assettàteve!
ca s'abballa a tutte pizze…
'O quadrillo e 'a figurella!
Truove 'e ddame, 'mpizze 'mpizze…
'O mastrillo e 'a rattacasa!
ca te fanno duje carizze…
Quant'è bello 'o battilocchio!
Pruove gusto e te ce avvizze…
Pè chi tene 'a moglie pazza!
Cchiù te sfrine e cchiù t'appizze…
Quatto sorde, 'o fenucchietto!
Comm'a tanta pire nizze…
te ne scinne a sghizze a sghizze,
fin'a quanno nun scapizze!
Chesta è 'a rumba d''e scugnizze!
Puparuole e aulive…
Magnàteve 'o cocco, magnàteve 'o cocco!
Rrobba vecchia…
Pallune p''allèsse, pallune p''allèsse!
'E mellune chine 'e fuoco…
Na bona marenna, na bona marenna!
Cotogne…
Gelati, gelati, gelati, gelati!
Conciatièlle…
'A pizza cu 'alice, 'a pizza cu 'alice!
Furno 'e campagna…
'E lazze p''e scarpe, 'e lazze p''e scarpe!
D''o ciardino, tutte secche…
'A capa d''o purpo, 'a capa d''o purpo!
'O Roma!…
Chella bella Mamma d''o Càrmene v''o ppava:
Nun mm''o ppòzzo faticà!…
È bellella 'a paparella!
Accattateve 'e piatte!
Seje tuvaglie cinche lire!
N'ata pianta p''o salotto!
Nocelline americane!
Tengo 'o ggrano p''a pastiera!
Pacchianè', chi s''o ppenzava?
Tiene chistu campo 'e fave!
Cicchignacco 'int''a butteglia!
'O zì monaco 'mbriacone!
'O vveleno p''e scarrafune!
'A dummeneca addò' t''a faje?
Comm'a tanta pire nizze,
te ne scinne a sghizze a sghizze,
fino a quanno nun scapizze!
Chest'è 'a rumba d''e scugnizze!