(Di Giacomo e De Leva)
CANTA ORIGINAL: DIVERSOS CANTORES
Nu zampugnaro 'e nu paese 'e fora,
lassaje quase 'nfiglianza la mugliera…
Se partette pè Napule 'e bon' ora
sunanno, allero allero: Ullèro, ullèro…
E ullèro, ullèro…
(Ma nun era overo:
'o zampugnaro,
penzava â mugliera…
e suspirava…
e 'a zampogna, 'e suspire s'abbuffava…)
Ah…ah…
Cuccato 'ncopp''a paglia, 'o Bammeniello,
senza manco 'a miseria 'e na cuperta,
durmeva, 'mmiez'â vacca e ô ciucciariello,
cu ll'uocchie 'nchiuse e cu 'a vucchella aperta…
E ullèro, ullèro…
che bella faccella,
che bella resèlla,
faceva Giesù
quanno 'a Madonna
cantava: "Core mio, fà nonna nonna…"
Ah…ah…
Mmerz''e vintuno, 'e vintiduje d''o mese,
na lettera lle dettero â lucanna…
'sta lettera veneva da 'o pagghiese
e sotto era firmata : Marianna…
"E ullèro, ullèro…
sto bene in salute
e così spero
sentire di te:
Sono sgravata…
e duje figlie aggio fatto, una figliata."
Ah…ah…
Tu scendi dalle stelle, o Re del cielo,
e nuje pigliammo 'e guaje cchiù alleramente…
Tasse, case cadute, freddo e gelo,
figlie a zeffunno, e pure nun fa niente…
Ullèro, ullèro!…
Sunate e cantate!
Sparate! Sparate!…
ch'è nato Giesù!
Giesù Bambino…
E 'a Vergine Maria s''o tene 'nzino…
Ah…ah…